१९ असोज, काठमाडौं ।
उद्योग, वाणिज्य तथा आपूर्ति मन्त्री मातृकाप्रसाद यादवले सभामुख कृष्णबहादुर महरालाई चिठी लेखेर चिनीको बजार बढाउनेबारे चलखेल भएको सम्बन्धमा छानबिन दोषी पत्ता लगाईदिन अनुरोध गरेका छन् ।
सार्वजनिक लेखा समितिले यही असोज १४ गते मन्त्रालयलाई पत्रचार गरेर १ अर्ब ६९ करोड रुपैयाँ मूल्य बराबरको चिनीको भाउ बढाउन चलखेल भएको र मन्त्रालयको बेरुजु पछ्र्यौटबारे स्पष्टिकरण मागेको थियो । सो पत्रबारे मन्त्री यादवले १५ गते मन्त्रालयका दुवै सचिव र वाणिज्य, आपूर्ति तथा उपभोक्ता संरक्षण विभागका महानिर्देशकसहित राखेर बैठक राखे । बैठकमा सहभागी पात्रहरुबीच गरमागर्मी चलेको स्रोतले बतायो ।
बैठकमा भाउ बढाउन चलखेल ‘आरोप’बारे गम्भीर छलफल भएको र छलफलपछि चलखेलबारे निस्कर्ष निस्कन सकेन । नसकेपछि ‘आरोप’बारेतुरुन्त छानबिन गर्न र दोषी पत्ता लगाई कारवाही गर्न माग गर्ने निर्णय भएबमोजिम सभामुख महरालाई असोज १८ गते बिहीबार अनुरोधसहित चिठी लेखेका छन् ।
हेर्नुस् मन्त्री यादवले लेखेको चिठीः
