काठमाण्डाै, १२ असाेज ।
क्रान्तिकारी पत्रकार संगठन,नेपालका केन्द्रीय सदस्य जगदिशनाथ योगि राजकुमारले पार्टी र संगठनको कारवाहीमा परिसकेकाले आफ्नो नाम दुरुपयोग गरेको भन्दै अापत्ति जनाउनुभएको छ ।
शुक्रवार विज्ञप्ति निकाल्दै केन्द्रीय सदस्य योगिले संगठनले आफ्नो अभियान तिब्र पारिरहेका बेला केही गलत र संगठन तथा मातृ पार्टी नेकपाको कारवाहीमा परिसकेका व्यक्तिले छुट्टै संगठन बनाएको भनेर भ्रम फैलाएको आरोप समेत लगाउनुभएको छ ।
उहाँले डिल्लीराज रावतको अध्यक्षमा संगठन बनेको र आफूलाई केन्द्रीय सदस्य भन्दै नाम राखेकोप्रति आफ्नो गम्भीर ध्यानाकर्षण भएको जनाउनुभएको छ ।
विज्ञप्तिमा उहाँले भन्नुभएको छ,‘संगठनका अध्यक्ष प्रकाश डुम्रेसहितको पदाधिकारी टोली अभियानमा लागिरहेका बेला काठमाण्डौमा केही झुण्डले संगठनलाई बदनाम गर्ने प्रयास गरेकोप्रति गम्भीर आपत्ति प्रकट गर्दछु ।’
केन्द्रीय सदस्य योगिले संगठन र मातृ पाटी नेकपाको निर्णयप्रति आफू प्रतिबद्ध रहेको स्पष्ट पानुभएको छ । उहाँले भन्नुभएको छ,‘त्यसैले डिल्लीराज रावत अध्यक्ष रहेको संगठन आधिकारिक नरहेको र म त्यसमा नरहेको प्रष्ट पार्दछु ।’
उहाँले मातृ पाटीको निर्णय अनुसार प्रकाश डुम्रेको अध्यक्ष रहेको टिम नै आधिकारिक रहेकोमा प्रष्ट रहेको र आफू त्यसकै केन्द्रीय सदस्य रहेकेा योगिले जनाउनुभएको छ ।
