काठमाडौं, असोज ७ ।
इङ्लिस प्रिमियर लिग फुटबलमा आज राति दुई खेल हुदै छन् । आज चेल्सीले वेष्ट ह्याम युनाईटेडसँग खेल्दा आर्सनलले एभर्टनसँग प्रतिस्प्र्धा गर्नेछ ।
यस्तै गएराति भएको खेलमा साउथ ह्याम्पटनलाई हराउँदै लिभरपुल शीर्ष स्थानमा फर्किएको छ । आफ्नै मैदानमा भएको खेलमा लिभरपुलले साउथ ह्याम्पटनलाई ३–० ले हरायो ।
खेलमा लिभरपुललाई विजयी गराउन जोएल माटिप र मोहोमद सालाहले एक–एक गोल गर्दा साउथ ह्याम्पटनका वेस्ले होएटले एक आत्माघाती गोल गरेका थिए ।
प्रिमियर लिग फुटबलकै अर्को खेलमा म्यान्चेस्टर सिटीले कार्डिफ सिटीलाई ५–० ले हरायो । म्यान सिटीका लागि रियाद माहारेजले दुई गोल गर्दा सर्जियो अगुएरो, बर्नार्डो सिल्भा र ईके गुन्डोगानले एक–एक गोल गरे ।
गएराति नै भएको अर्को खेलमा टोटनह्याम हट्सपरले ब्राईटनलाई २–१ ले हराउँदा म्यान्चेस्टर युनाईटेडलाई वुल्भरह्याम्पटन वान्डरर्सले १–१ गोलको बराबरीमा रोकेको छ ।
यसैगरी लेष्टर सिटीले हडर्स्फिल्ड टाउनलाई ३–१ ले हराउँदा बर्नलेले बर्नमाउथमाथि ४–० को प्रभावशाली जित दर्ता ग¥यो । गएराति क्रिष्टल प्यालेस र न्यूकासलले गोलरहीत बराबरी खेल्दा फुल्हम र वाट्फोर्डले १–१ गोलको बराबरीमा चित्त बुझाए ।
