काठमाडौं, असोज ५ । काठमाडौंमा जारी एएफसी यु–१६ महिला फुटबल च्याम्पियनसिप छनौटको दोस्रो खेलमा आज नेपालले म्यानमारसँग खेल्नेछ ।
समूह ‘ई’ को अर्को खेलमा आजै फिलिपिन्स र मलेसिया भिड्नेछन् ।
समूहको पहिलो खेलमा फिलिपिन्ससँग ४–० ले हारेको नेपाल आज दबाबमा छ । समूह चरण पार गर्न नेपालको लागि आजको खेल जित्नैपर्ने बाध्यता छ । छनौट समूहको अन्तिम खेलमा नेपालले आईतबार मलेसियासँग खेल्दा सोही दिन फिलिपिन्स र म्यानमार भिड्नेछन् ।
समूह ‘इ’ को छनोटमा आयोजक नेपालसहित मलेसिया, म्यानमार र फिलिपिन्स छन् । हरेक समूहका शीर्ष दुई टोली अर्को वर्ष थाइल्यान्डमा आयोजना हुने एएफसी यु–१६ फुटबल प्रतियोगिताका लागि छनौट हुनेछन् ।
प्रतियोगिताको फाईनल चरणका लागि उत्तर कोरिया, दक्षिण कोरिया र जापानले स्थान बनाइसकेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
