काठमाडौं, असोज १ ।
ए.पि.सि.नेपालको १२ औ साधरण सभाले डा. मुकुन्द पथिक वाग्लेको नेतृत्वमा ७ सदस्यीय नयाँ कार्यसमिति चयन गरेको छ । ए.पि.सि.नेपालको १२ औं साधारण सभाबाट पथिक दोश्रो कार्यकालका लागि सर्वसम्मत रुपमा चयन हुनु भएको हो ।
साधरण सभाबाट सचिवमा अमृत रत्न मानन्धर, कोषाध्यक्षमा अनिता रन्जितकार, सदस्यहरुमा खडक राज पन्त, शान्ती तामाङ, सविता शर्मा निर्वाचित हुनु भएको हो । ए.पि.सी नेपापलले विगत १२ वर्ष देखि सडक बालबालिकाको संरक्षणको क्षेत्रमा काम गर्दै आएको छ ।
सोही साधरण सभाको उद्घाटन गर्दै समाज कल्याण परिषद्का कोषाध्यक्ष एंव कार्यक्रमका प्रमुख अतिथि वीर बहादुर ठगुन्नाले लामो समयदेखि ए.पि.सि.नेपालले सडक बालबालिकालाई संरक्षण गरेकोमा खुसी व्यक्त गर्नुभयो ।
उहाँले ए.पि.सि.नेपालले गर्दै आइरहेको कार्यक्रम प्रशंसनीय रहेको बताउनुभयो । सोही कार्यक्रममा बोल्दै महिला, बालबालिकातथा जेष्ठ नागरिक मन्त्रालयका उपसचिव सुनिता नेपालले लामो समयदेखि ए.पि.सि.नेपालले चुनौतीपूर्ण कार्यक्रमहरु सञ्चालनगर्दै आइरहेको बताउनुभयो ।
यस्तै दोस्रो कार्यकालका लागि पनि अध्यक्षमा निर्वाचित डा. पथिकले आगामी दिनहरुमा ए.पि.सि.नेपाललाई अझैं व्यवस्थित ढङगले सञ्चालन गरिने बताउनु भयो ।
केन्द्रिय बालकल्याण समितिका सुनिताशाह, बालबालिका खोजतलास केन्द्र लगायत विभिन्न विद्यालय, अभिभावक तथा बालबालिकाहरुको उपस्थिति रहेको उक्त सभामा २०७४÷७५ को सामाजिक लेखा परिक्षण कार्यक्रम समेत सम्पन्न गरिएको थियो ।
