२९ भदौ, कैलाली ।

जिल्लाको जोशीपुर बजारमा गएराति व्यापारीको हत्या भएको छ ।

जोशीपुरको टीकापुर रोडमा रहेको ओझा किराना पसलका सञ्चालक ३५ वर्षका रामप्रसाद ओझाको पसल भएकै घरभित्र हत्या भएको हो ।
मृतकको घाँटीमा निलो डाम देखिएको प्रहरीले जनाएको छ ।

उनको घाँटी थिचेर हत्या भएको हुन सक्ने इलाका प्रहरी कार्यालय भजनीका प्रमुख प्रहरी निरीक्षक राजेन्द्र चन्दले बताए । अनुसन्धान जारी रहेको उनले बताए ।

१० वर्षदेखि व्यवसाय गर्दै आएका ओझाले भारु सटहीको समेत काम गर्ने गरेको निकटवर्तीको भनाई छ । स्थानीयका अनुसार ओझा बिहीबार राति ११ बजेसम्म जोशीपुर बजारमा भएको नाच हेरेर घर फर्किएका थिए । उनी बस्ने घरको ढोकाहरु सबै खुला रहेको प्रारम्भिक अनुसन्धानमा देखिएको प्रहरीले जानकारी दिएको छ ।

ओझाकी पत्नी भने दुई छोरा पढाउन टीकापुरमा डेरा गरेर बस्दै आएकी छन् ।

कार्तिक शुक्ल षष्ठीः राष्ट्रपति पौडेलद्वारा गुह्येश्वरीमा छठीमाताको पूजा आराधनासहित अर्घ्य दान

अस्ताउँदो सूर्यलाई अर्घ दिएर ‘सझिया अरख’ विधि सम्पन्न

भक्तपुरमा तराईको झल्को, झकिझकाउ पोखरी र खोला: मनाइयो छठ

पश्चिमी वायुका प्रभावले केही स्थानमा वर्षा र हिमपातको सम्भावना

पश्चिमी वायुको आंशिक प्रभाव, हिमाली क्षेत्रमा वर्षा र हिमपातको सम्भावना

गोरखाको धार्चेमा भीषण सुक्खा पहिरो: बुढीगण्डकी नदी किनारको बाटो अवरुद्ध