काठमाडौं, १७ भदौ । यती एयरको विमान धावनमार्गमा चिप्लिएर दुर्घटनामा परेपछि अवरुद्ध बनेको त्रिभुवन अन्तराष्ट्रिय विमानस्थल १२ घण्टापछि सञ्चालनमा आएको छ ।
विमानस्थल आज बिहान साढे ८ बजेबाट नियमित संचालनमा आएको हो । नेपालगन्जबाट २१ जना यात्रु बोकेर काठमाडौं आएको यती एयरलाइन्सको जेट स्ट्रीम विमान अवतरणका क्रममा धावनमार्गमा चिप्लिएपछि गएराति साढे ८ वजेबाट विमानस्थल अवरुद्ध भएको थियो ।
धावनमार्गमा रहेको विमानलाई हटाएर पार्किङ स्थलमा सारिएको त्रिभुवन विमानस्थल कार्यलयले जनाएको छ । मुलुकको एकमात्र अन्तर्रा्ष्ट्रिय विमानस्थलमा आन्तरिक र अन्तर्रा्ष्ट्रियका २ दर्जन उडान ठप्प हुँदा सयौं यात्रु अलपत्र परेका थिए ।
यसैविच यती यएरको हिजो भएको सो घटनामा जहाजमा रहेका ५ यात्रु सामान्य घाईते भएका छन् । चालक दल र अरु यात्रुको अवस्था सामान्य छ ।
कोटेश्वरतर्फबाट अवतरण गरेको जहाज रनवेबाट चिप्लिँदा अगाडिको ल्यान्डिङ गियर भाँच्चिएको विमानस्थलका महाप्रबन्ध राजेन्द्रकुमार क्षेत्रीले जानकारी दिनुभयो ।
