पोखरा, भदौ ४ ।
पोखराको न्यूरोडमा गएराति आगलागी हुँदा करिब २५ लाख बराबरको धनमाल जलेर नष्ट भएको छ ।
पोखरा महानगरपालिकाको कार्यालयभन्दा करिब ३ सय मिटर तल अंकल्स गार्डेनको विपरीत दिशामा रहेको घरमा आगलागी हुँदा उक्त क्षति भएको हो ।
आगलागीबाट नव सन स्टार टे«डर्स र सुजल किराना पसलमा रहेका सम्पूर्ण सामान जलेर नष्ट भएको प्रहरीले जनाएको छ ।
नवीन श्रेष्ठले सञ्चालन गरेको नव सन स्टार ट्रेडर्समा सोलारका सामानहरु रहेको र ती सामानहरु आगोले जल्दा करिब १५ लाख र कोपिला नेपालीले सञ्चालन गरेको सुजल किराना पसलका सामानहरु जल्दा करिब १० लाखको क्षति पुगेको जिल्ला प्रहरी कार्यालय, कास्कीले जनाएको छ ।
राति आगलागी भएकाले ढिलो गरेर जानकारी पाउँदा धेरै क्षति भएको बताइएको छ । आगलागीको कारण खुल्न नसके पनि प्रहरीले भने विद्युत सर्ट भई आगलागी भएको हुनसक्ने अनुमान गरेको छ ।
