काठमाडौं ३१ साउन ।
कलंकीमा निर्माण भएको पहिलो ‘अण्डरपास’ भोलिदेखि खुला हुने भएको छ ।
दुई वर्ष अघि चिनियाँ कम्पनी सांघाई कन्स्ट्रक्सनले अण्डरपास निर्माण थालेको थियो । यो अण्डरपास संचालनमा आएपछि कलंकीको जाम कम हुने भएको छ । काठमाडौं चक्रपथ सुधार योजना प्रमुख प्रकाशचन्द्र भण्डारीले भोलिदेखि अण्डरपास वे संचालनमा ल्याउने बताउनु भएको छ ।
८ सय मिटरको यो बाटो कलंकी चोकबाट खसीबजारतर्फ चार सय र कलंकी चोकबाट सीतापाइलातर्फ चार सय मिटर अण्डरपास छ।अण्डरपासको सडक पेन्टिङ र लेन छुट्याउने लगायतका काम भने बाँकी छ ।
अहिले बनिरहेको ’अण्डरपास’ चक्रपथ गुड्ने सवारीसाधनले प्रयोग गर्नेछ । अण्डरपास चार लेनमा निर्माण भैरहेको छ । दुईवटा लेन आउन र दुईवटा लेन जानका लागि प्रयोग हुन्छ
बल्खुबाट सीतापाइलातिर जानका लागि दुईवटा लेन प्रयोग हुन्छ भने सितापाइलाबाट बल्खुतिर जानका लागि दुईवटा लेन प्रयोग हुनेछ ।
योसँगै कोटेश्वर(कलंकी १०.४ किलोमिटर खण्ड विस्तारको कार्य अन्तिम चरणमा पुगेको चक्रपथ सुधार योजनाले जनाएको छ।आगामी दुई महिनाभित्रमा यो खण्डको सबै काम सकिने चक्रपथ सुधार योजनाले जनाएको छ ।
