ललितपुर, २६ साउन ।
नेपाल सामुदायीक बिद्यालय व्यावस्थापन समिति संघ ललितपुरको गोविन्द महर्जनको अध्यक्षतामा नयाँ नेतृत्व चयन भएको छ ।
संघका केन्द्रिय महासचिव डा मोहन खडिवडाको सहभागीतामा आज सम्पन्न दोस्रो जिल्ला सम्मेलनले १३ सदस्यीय नयाँ नेतृत्व चयन गरेको हो ।
संघको उपाध्यक्षमा अजरमान जोशी, सचिवमा बाबुकृष्ण महर्जन र कोषाध्यक्षमा दिनेश अछामि रहेका छन् । आज चयन भएको नयाँ कार्यसमितिलाई बधाई दिदै सत्तानरुढ नेकपाकी सांसद पम्फा भुषालले सामुदायीक बिद्यालयहरुको बिद्यार्थी सङख्या, भौतिक संरचना, जनशक्ति र गुणस्तरीयता हेरेर मर्ज गर्नुपर्ने धारणा राख्नुभयो ।
उहाँले छरपस्ट रुपमा गुणस्तरहिन बिद्यालयहरुको सङख्या बढाउनुभन्दा मर्ज गरेर गुणस्तरीय शिक्षा प्रदान गर्नेतर्फ ध्यान केन्द्रित गनुपर्ने सुझाव दिनुभयो । कार्यक्रममा सत्तारुण् नेकपाका नेता तथा सांसद राजकाजी महर्जन, संघका जिल्ला पूर्व अध्यक्ष दिर्घराज गिरी लगायतले धारणा राखेका थिए ।
कार्यक्रममा ३३ वटा बिद्यालय बिद्यालय व्यावस्थापन समितिका प्रतिनिधिको उपस्थिती थियो ।
