रसुवा, २६ साउन ।
अबिरल बर्षापछि सडकको कालोपत्रे उक्किएर खाल्टाखुल्टी परेपछि पासाङल्हामु राजमार्गअन्तर्गत रसुवाको राम्चे–धुन्चे खण्डको यातायात सेवा जोखिमपूर्ण बनेको छ ।
सदरमुकाम धुन्चे जोडिने सडकको १६ किलोमिटर सडकमध्ये ठाडे–धुन्चे खण्डमा ८० प्रतिशत कालोपत्रे उक्किएर खाल्डाखुल्डी परेपछि यातायात सेवा नै जोखिमपूर्ण बनेको हो ।
योसँगै सवरी चालक तथा यात्रुलाई सास्ती भएको हो । चीनको केरुङतर्पm जाने कन्टेनर तथा विभिन्न जलविद्युत् आयोजनाका सामग्री ल्याउने सवारी साधन यही बाटो भएर गुड्ने भएकाले राजमार्गमा सवारी चाप बढ्दै गएको छ । तर सडकको अवस्था खस्किँदै गएकाले समस्या भएको हो ।
विश्व वैंकको आर्थिक सहयोगमा सात वर्षअघि कालिका कन्स्ट्रक्सनले सडक कालोपत्रे गरेको थियो ।
सडकको क्षमताभन्दा बढी भार बोकेर चल्ने सवारी साधनका कारण पनि सडकको अवस्था नाजुक बनेको बताइएको छ ।
