सुनसरी, २५ साउन ।
अखिल नेपाल शिक्षक संगठनले सुनसरीबाट गिरफ्तारमा परेका शिक्षक जनक निरौलालाई तत्काल रिहा गर्न माग गरेको छ ।
अखिल नेपाल शिक्षक संगठनका केन्द्रिय सदस्य तथा सनसरी जिल्ला अध्यक्ष निरौलालाई शम्भु नाथम मा.बि सुनसरीमा अध्यापन गराउन जाने क्रममा गत १८ गते प्रहरीले सडकबाटै गिरफ्तार गरेको थियो ।
निरौलालाई साधापोसाकका प्रहरिले गिरफ्तार गरि आखामा पट्टी बादेर मोटरसाईकलमा राखि अज्ञात स्थानतर्फ लगेर बेपत्ता बनाएको भन्दै शिक्षक संगठनका महासचिब रमेश रूपाखेतिले उहाँको अवस्था सार्वजनिक गर्न माग गर्नुभएको छ ।
उहाँले शिक्षक निरौलाको खोजी गरिदिन मानबअधिकारकर्मि,रेडक्रस,सरोकारबाला सबैलाई आग्रह गर्नुभएको हो ।
साथै उहाँले गिरफ्तार शिक्षकको बिनासर्त रिहाइ गरि कक्षाकोठामा निर्बाद अध्यापन कार्यमा लाग्ने बाताबरण तय गर्न पनि आग्रह गर्नुभएको छ । अन्यथा यसबाट उत्पन्न समस्याको जिम्मेवारी वर्तमान फासिस्ट सरकार नै हुनुपर्ने समेत उहाँको चेतावनी छ ।
