२५ साउन, कैलाली ।
सशस्त्र प्रहरी बल, नेपाल ३४ नम्बर गण धनगढीको टोलीले भन्सार छली गरेर भित्र्याएको हार्यवेयर तथा कपडाहरु बरामद गरेको छ ।
धनगढी उपमहानगरपालिका १० घुइयाघाट, सालघारीबाट स्थानीय शिव पार्कीको घरपछाडि राखेको अवस्थामा आज विहान करिब तीन लाख १८ हजार रुपैयाँ बराबरका ड्रिल मेशिन र अन्य बिद्युतिय सामग्री तथा लत्ताकपडा बरामत गरिएको ३४ नम्बर गणका निमित्त प्रमुख सशस्त्र प्रहरी नायब उपरीक्षक ९डीएसपी० विष्णु प्रसाद भट्टले जानकारी दिए ।
उहाँले सीमानाकाबाट हुने चोरी तस्करी रोक्न स्थानीयहरुले समेत सहयोग गर्नुपर्ने बताउनु भयो ।
जनशक्ति अभावका कारण सबै ठाउँमा पुग्न नसकिने भएकाले चोरी तस्करी भैरहेको सूचना दिन स्थानीयहरुलाई उहाँले आग्रह गर्नुभयो । उहाँले पक्राउ परेका समानहरु जिल्ला भन्सार कार्यालय कैलालीलाई बुझाएको जानकारी समेत दिनुभएको छ ।
यसअघि पनि विभिन्न स्थानबाट पक्राउ गरेका समानहरु भन्सार कार्यालयलाई बुझाएको थियो ।
