धनगढी, साउन २३ ।
महिला मािथ हुने हिंसाको अन्त्यको माग रान्दै प्राज्ञिक विद्यार्थी परिषद नेपालले धनगढीमा विशाल र्याली निकालेको छ ।
पछिल्लो समय मुलुकमा बढ्दै गइरहको महिला हिंसाको अन्त्यको माग गर्दै विद्यार्थी परिषदको धनगढी इकाईले मंगलबार विशाल र्याली निकालेको हो ।
साथै विद्यार्थी परिषदले भर्खरै मात्र कन्चनपुरमा १३ वर्षीया बालिका निर्मला पन्तमाथि बलात्कार गरि हत्या गरेको भन्दै यसको विरोध तथा पिडितलाई न्याय र दोषीलाई यथाशीघ्र कारबाहीका माग राख्दै विरोध र्याली निकालेको हो ।
यस्तो प्रकारको घृणित कार्यले मुलुकभरकै नारी सुरक्षामाथि प्रश्न चिन्ह खडा भएको विद्यार्थी परिषदले औल्याएको छ । बलात्कारीलाई तत्काल कारबाहीको दायरामा ल्याउन पनि सरोकारवाला निकाय समक्ष विद्यार्थी परिषदले माग गरेको छ ।
धनगढीको पार्क मोडबाट सुरु भएको र्याली विभिन्न नगरपरिक्रमा गर्दै चौराहमा पुगेर कोण सभामा परिणत भएको थियो ।
