काठमाडौ, २२ साउन ।
पहिरोमा परि ५ बर्षिय छोरी नजम बोहरालाई गुमाएका पत्रकार तिर्थराज बोहराको ४ कोठे घर र घरभित्र रहेका लत्ताकपडा, अन्न, भाँडाबर्तन लगाएका सबै सम्पती पुर्णरुपमा नष्ट भएको छ ।
घरबास बिहिन भएका पत्रकार बोहरा नेपाल पत्रकार महासंघ, जाजरकोट शाखाका सदस्य, क्रान्तिकारी पत्रकार संगठन नेपाल, जाजरकोट अध्यक्ष र नेपाल पर्यटन पत्रकार संघ, जाजरकोटका कोषाध्यक्ष हुन् ।
पत्रकार बोहराको तत्काल सहयोग तथा राहतका लागि नेपाल पत्रकार महासंघ केन्द्रिय कार्यालयले १० हजार सहयोग गर्ने जानकारी गराउनुको साथै उनको सहयोगका लागि अन्य निकायसंग अनुरोध गर्ने जानकारी गराएको छ ।
त्यसैगरि नेपाल पत्रकार महासंघ, जाजरकोट शाखाका तर्फवाट अध्यक्ष भीमबहादुर सिंहले पत्रकार बोहरालाई १० हजार सहयोग रकम हस्तान्तरण गरेका छन् । त्यसैगरि पत्रकार बोहरालाई काठमाण्डौं काटेश्वरवाट सञ्चालित अर्थसरोकार अनलाईनले ५ हजार ५ सय ५५ रुपैया, काठमाण्डौं अनामनगर देखि सञ्चालित मिरमिरे अनलाईनले ५ हजार १ सय र बुटुवलवाट सञ्चालित गर्जनपोष्ट साप्ताहीकले ५ हजार ५ सय सहयोग गरेका छन् ।
उक्त अनलाईन र पत्रिकावाट प्राप्त सहयोग रकमलाई नेपाल पत्रकार महासंघ, जाजरकोटका अध्यक्ष भीमबहादुर सिंहद्धारा पत्रकार बोहरालाई मंगलबार हस्तान्तरण गरिएको छ ।
