आयो साथी झल्याँस्स आज सँगै बसेको याद आयो !
के के सोच्दै सोच्दै तिमीले चिप्लो घसेको याद आयो !
***

विर्सन खोजें पटक पटक नबोकौं भारी यादको भनी !
रहेछ वाँकि मनको कुनामा चक्कु धसेको याद आयो !
***

ढोका थुनेर झ्याल थुनेर सिरक ओढेर सुत्दा पनि !
कुन बाटो हुँदै हुँदै तिमी भित्रै पसेको याद आयो !
***

संसारलाई उकास्छु र खरावीसँग जोगिन्छु भन्थें !
थाहै नपाई पग्लिदै गल्दै आफैं फसेको याद आयो !
***

यो छात्तीभरि चोटै चोट देखेर झस्कें के रैछ भनी !
संझिएँ बल्ल धेरै पछि तिमीले डसेको याद आयो
*****

– बलराम तिमल्सिना

२०७५|०४|२१
ढल्को

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू