काठमाडौं ।
सशस्त्र प्रहरी मुख्यालयले संगठनको नयाँ सांगठनिक पुनर्संरचनाअनुसार बाहिनीपतिको सरुवाको तयारी गरेको छ । पाँच ओटा बाहिनी रहेको सशस्त्र प्रहरी बलमा आठ ओटा पुगेसँगै बाहिनीपति थप्न लागिएको हो ।
स्रोतका अनुसार, साविकको पोखरा बाहिनीमा रहेका डीआईजी चीरञ्जीवी अधिकारीलाई ५ नम्बर बाहिनीको बाहिनीपतिका रुपमा सरुवा गरिने भएको छ । ५ नम्बर बाहिनीको कार्यालय बुटवलमा स्थापना गरिने छ । सशस्त्रको यो नयाँ बाहिनी हो ।
यसैगरी, अर्काे नयाँ बाहिनी ३ नम्बर बाहिनीपतिमा एसएसपी रामप्रकाश श्रेष्ठलाई पठाइने छ । ३ नम्बर बाहिनीको कार्यालय हेटौंडामा स्थापना हुँदैछ । एसएसपी श्रेष्ठ डीआईजीको बढुवा सूचीमा २ नम्बरमा छन् । हाललाई भने ३ नम्बर बाहिनी भण्डारा चितवनमा बस्ने छ ।
यसैगरी पोखरास्थित प्रदेश ४ को बाहिनीपतिमा डीआईजी प्रविण श्रेष्ठलाई सरुवा गरिने भएको छ ।
सशस्त्र प्रहरी महानिरीक्षकमा शैलेन्द्र खनाल नियुक्त भएसँगै नयाँ सांगठिनक पुनर्संरचना कार्यान्वयनमा ल्याइएको हो । खनाल आईजीपी भएपछि सशस्त्र प्रहरी बलमा सरुवा, बढुवाको काम पनि धमाधम भइरहेको छ । विगतमा सरुवा बढुवा जस्ता नियमित काममा अल्झन आउने गरेकोमा यो पटकदेखि धमाधम काम भइरहेको छ । साथै सशस्त्र कर्मचारीहरुको वृत्तिविकासमा पनि संगठन प्रमुख खनालले विशेष चासो दिँदै आएका छन् ।राजधानिबाट
