२० साउन,जाजरकोट । क्रान्तिकारी पत्रकार संगठन नेपालका जाजारकोट अध्यक्ष तिर्थ बोहरासहित तीन जनाको घर पहिरोले पुरिएको छ ।
शनिबार रातिदेखि आएको अविरल वर्षासँगै आइतबार विहान जाजरकोटको सदरमुकामस्थित भेरी नगरपालिका–३ ठाँटीबजार नजिकै गएको पहिरोमा पुरिएको हो । पहिरोबाट बोहरा र उनकी पत्नीको उद्दार गरिएपनि एक छोरा एक छोरी भने वेपत्ता भएका छन् । पहिरोले सँगै रहेका अन्य दुई घर पनि पुरेको छ ।
उद्दार कार्य जारी रहेकोले के कति क्षति भयो भन्ने एकिन हुन नसकेको घटनास्थलमा रहेको पत्रकार दिपबहादुर घर्तीले जानकारी दिए । उनका अनुसार अध्यक्ष बोहरा अचेत अवस्थामा रहेका छन् ।
प्रहरी र स्थानीय उद्दारमा जुटिरहेका छन् । जाजरकाेटमा जम्मा तीन वटा एम्बुलेन्स छन् । तीनै पनि अन्तै गएकाले अहिले घाइतेलाइ अस्पताल लैजान पनि कठिन भएकाे पत्रकार घर्तीले बताए ।
एक जनाकाे बच्चाकाे शव पनि फेला गरेकेा उनले बताएका छन् । तर पहिचान हुन सकेकेा छैन ।
