नेपालले ईग्ल्याण्ड टुरको क्रममा पहिलो अन्तराष्ट्रिय एकदिवसीय क्रिकेटमा नेदरल्याण्ड विरुद्ध कमजोर ब्याटीगका कारण पराजय व्यहोरेको छ ।
टस हारेर फिल्डिग पाएको नेपालले नेदरल्याण्डलाई एक सय ८९ रनमा सीमित गरे पनि मिडिल अर्डर ब्याटस्म्यान टिक्न नसक्दा नेपाल पराजीत भयो ।
नेपालले एक सय ९० रनको लक्ष्य पछ्याउने क्रममा सबै विकेट गुमाएर ४१ दशमलव १ ओभरमा केबल एक सय ३४ रन मात्र बनाउन सक्यो ।
नेपालका लागि ओपनर ज्ञानेन्द्र मल्लले ५१ रन , दीपेन्द्र ऐरीले ३०, अनिल शाहले २१ र पारस खड्काले १२ रन बनाउनु बाहेक अन्य कुनै पनि व्याट्स म्यानले दोहोरो अंक जोड्न सकेनन् ।
नेपालका ४ ब्याटस् म्यानहरु शुन्य रनमा पेभिलियन फर्किएका थिए ।
नेपालका लागि कप्तान पारस खड्काले ४ विकेट लिए भने सोमपाल कामीले ३ विकेट झारे । सन्दीप लामिछाने, बसन्त रेग्मी र करण केसीले एक एक विकेट लिए ।
