काठमाडौं ।
नेपाल कम्युनिस्ट पार्टीका दुईजना पोलिट ब्युरो सदस्यलाई प्रहरीले गिरफतार गरेको छ ।
नेकपाका पोलिट ब्युरो सदस्य कृष्ण धमला (गम्भीर) र मोहन कार्की (जिवन्त)लाई प्रहरीले गिरफतार गरेको हो ।
अपहरण शैलिमा साउन १० गते नै गिरफतार गरिएका उहाहरुलाई अहिले बालाजु प्रहरी चौकीमा राखिएको पारिवारिक श्रोतले बताएको छ । पोलिव्युरो सदस्य द्धव्यलाई काठमाडौं उपत्यका आउदै गरेको बेला थानकोटबाट प्रहरीले गिरफतार गरेको थियो ।
नेकपाका एक नेताले आफ्नो पार्टीका दुई पोलिट ब्युरो सदस्यलाई प्रहरीले अपहरण शैलीमा गिरफतार गरि बेपत्ता बनाएको सुचना आएको भएपनि र उनीहरुको अवस्थाबारे प्रशासनले कुनै जानकारी नै नगराएको भन्दै बिनाकारण आस्थाकै आधारमा पक्राउ गरिएका दुई नेतालाई अबिलम्ब रिहाइको माग गर्नुभएको छ ।
यस अघि पक्राउ गरिएका दुई पोलिट ब्युरो सदस्य पदम राई र ओमप्रकाश पुन अहिले पनि प्रहरी हिरासतमा छन् ।
