तिम्रोलागि एउटा ठूलो दु:खको कुरा छ !
तिमीले मर्यो भनेको मान्छे बोलिरहेको छ !
तिम्रो लागि एउटा ठूलो …!
तिमीले दुबो उम्रोस भनेर छोडेको आँगनमा
उम्रेन दुबो सोच त कति दुखको कुरा छ ?
तिमीले मरे भनेर छोपी हिडेको चिहानमा
कोही मरेन योभन्दा ठूलो अनर्थ के हुन्छ ?
तिम्रो लागि ज्यादै गहिरो दुखको कुरा छ !
तिमीले फाल्या झण्डा त अझै फर्फर गर्दै छ !
तिम्रो लागि एउटा ठूलो …..!
टाट्नाका खसी सरह तिम्ले सोचेकाहरूले ,
फरक मोर्चा समाल्नु कम्ता विरह चल्ने छ ?
तिमीले वर्षौं कुल्चेको तिम्रो जुत्ताको धूलोले
आँखैमा पसी बिझाउँनु कम्ता रिंगटा छुट्ने छ ?
तिम्रो लागि अनिष्टजस्तै दुखको खवर छ !
तिमीले पानी छेपेको आगो हुरुरु बल्दै छ !!
आफूलाई निकै चलाख भन्छ मानिस रैपनि
चोरले चिनो छोड्दिन भन्छ छोडिन्छ तैपनि
तिमीले मासें भनेको दसी प्रमाण झिकेर
कसैले अभियोजन पत्रको तयारी गर्दै छ !
तिम्रो लागि मृत्युको पत्रजस्तै समाचार छ !
फाँसीमा चढ्ने नाम त्यो तिम्रो पैलो सूचीमा छ !
२०७५|०४|०९
ढल्को
