केहि समय अगाडि ,
फेसबुकको भित्तामा झुन्डिएको शब्द
” जियोग्राफिकल मिस्टेक ” मा ,
मेरो ध्यान गयो,
देख्दा साधारण ,
तर आफैंमा गहन अर्थ बोकेको शब्द जियोग्राफिकल मिस्टेक ।।
इतिहासको पानामा फर्केर हेर्दा ,
राजा राम शाह ,
जसले “न्याय नपाए गोरखा जानु ” भनेर झ्याली पिटे ,
सायद , उनी आफैँमा एक जियोग्राफिकल मिस्टेक थिए ।
देश एकीकरण गर्ने पृथ्वी नारायण शाह ,
अनि ढुङ्गा र गुलेलिले ,
मातृभुमिको रक्षाको निम्ति युद्ध लडेका ,
सम्पुर्ण बहादुर गोर्खाली ,
पनि सायद जियोग्राफिकल मिस्टेकनै थिए ।
महाकवी देवकोटा ,
जियोग्राफिकल मिस्टेकका सर्वोच्च शिखर थिए ,
त्यसैले पागल उपनामले सजिए ,
“यो हल्लै हल्लाले चलेको देश हो ”
भन्ने भुपी शेरचन पनि सायद जियोग्राफिकल मिस्टेकनै थिए ।
एवम् रितले ,
बदलिरहेको समय ,
पन्चायत , प्रजातन्त्र …..लोकतन्त्र…
अनि गणतन्त्र ….
सायद यी शब्दहरुले पनि ,
जियोग्राफिकल मिस्टेककै आधारमा ,
नेपाली शब्दकोषमा स्थान पाए ।
म आजको वर्तमान समाजलाई हेर्छु ,
भ्रष्टाचार , अन्याय , र कोलाहलमा
फसेको देशलाई हेर्छु ,
हरेक दिन ,
जियोग्राफिकल मिस्टेकलाई आधार बनाएर ,
बाहिरिरहेका विद्यार्थी हेर्छु ,
अनुसन्धान, सोधपत्रलाई फोटोकपी सँग दाज्ने ,
बिज्ञ प्रहरी प्रशासनलाई हेर्छु ,
अरब र खाडीमा पसिना बगाइरहेका ,
अन्य नेपाली जियोग्राफिकल मिस्टेकलाई हेर्छु ,
र पसिना बगाउन ,
हातमा पासपोर्ट बोकेर ,
त्यही लाइन पछ्याउन उब्बिएका अरु दाजुभाइलाई हेर्छु ।
वाह ! मेरो देश
वाह ! मेरो सरकार ,
बधाई छ तिमिलाई ,
आज लाखौं जियोग्राफिकल मिस्टेकका श्रम ,
र उनिहरुले पठाएको रेमिटेन्सको भरमा ,
आज मेरो देशको झन्डा फर्फराइरहेको छ ।
