मस्को, असार ८ ।
रुसमा जारी विश्वकप फुटबल प्रतियोगितामा आज उपाधि दावेदार मानिएको ब्राजिलले आज कोस्टारिकाबिरुद्ध खेल्दै छ ।
पहिलो खेलमा स्वीजरल्याण्डसँग बराबरीमा रोकिएको ब्राजिलले समूह ई को आफ्नो दोस्रो खेलमा कोस्टारिका नेपाली समय अनुसार साझ पौने ६ बजे प्रतिस्पर्धा गर्ने छ । आज कोस्टाबिरुद्ध ब्राजित निश्चित जितको खोजीमा हुनेछ ।
यस्तै आजै हुने दोस्रो खेलमा नाईजेरीया र आइसल्याण्ड आमने सामने हुनेछन् ।
समुह डी अन्तरगत भोल्गोग्राडमा नेपाली समय अनुसार राति पौने ९ बजे हुने समूहको दोस्रो खेलमा नाईजेरीया दबाबमा हुने छ । पहिलो खेलमा क्रोएसियालाई २ – ० को नतिजा सुम्पिएको नाईजेरिया आजको खेलमा आइसल्याण्डबिरुद्ध जीत हात पार्न नसके प्रतियोगिताबाट बाहिरिने संघारमा पुग्ने छ ।
यता दुई पटकको विश्वविजेता अर्जेन्टिनालाई कडा चुनौति दिदैँ खेलमा १ १को बराबरी गरेको आईल्याण्ड पहिलो सहभागिता स्मरणीय बनाउन चाहन्छ ।
तेस्रो खेलमा राति पौने ११ बजे सर्वीया र स्वीजरलेन्डबीच प्रतिस्पर्धा हुनेछ ।
उता, विश्वकपमा अर्जेन्टिनाको यात्रा कठिन बनेको छ । समूहको दोस्रो खेलमा क्रोएसियासँग ३–० ले पराजित भएसँगै उपाधि दावेदार मानिएको लेटिन अमेरीकी टोली अर्जेन्टिना बाहिरिने संघारमा पुगेको छ ।
अन्तिम खेलमा अर्जे्न्टिनाले आगामी मंगलबार नाईजेरियासँग खेल्ने बाकीँ छ । उक्त खेलमा लियोनल मेस्सीको टोली जारी विश्वकपमा पहिलो जितको खोजीमा हुनेछ ।
यसअघि समूहको पहिलो चरणको खेलमा अर्जे्न्टिनालाई आईसल्याण्डले १÷१ गोलको बराबरीमा रोकेको थियो । उता अर्जे्न्टिनालाई हराउँदै क्रोएसिया भने अन्तिम १६ मा पुग्यो ।
