काठमाडौं १६ जेठ ।
काठमाडौमा यही जेठ १९ देखि २६ सम्म अन्तर स्कुल फुटबल प्रतियोगिता आयोजाना हुने भएको छ । कोटेश्वर सेतिओपी युवा क्लबको आयोजनामा विभिन्न १० स्कुललाई मावेश गरेर प्रतियोगिता गर्न लागेको उक्त क्लबले जानकारी दिएको छ ।
आठ दिनसम्म सञ्चालन हुने प्रतियोगितामा उपत्यकाका १० वटा प्लस टु तथा स्कुलहरुको सहभागिता रहने क्लबका अध्यक्ष रवि रिमालले बताए ।
प्रतियोगितामा मोर्डन इन्डियन स्कुल, डिएभि सुशिल केडिया स्कुल, केएमसी स्कुल, काष्ठमण्डप विद्यालय, ल्याब्रोटर उमावि, ग्रामर पब्लिव उमावि, पुष्प सदन स्कुल, रातो बंगला स्कुल, कान्जिरोवा उमावि कोलम्बस उमावि रहनेछन् ।
१० टोलीलाई दुई समूहमा विभाजन गरेर लिगकम नकआउटका आधारमा खेलाइने र दुवै समूहको उत्कृष्ट दुई टोली सेमिफाइनल पुग्नेछ ।
प्रतियोगिताको विजेता र उपविजेताले ट्रफी तथा मेडल पाउनेछन्। प्रतियोगिताको उत्कृष्ट खेलाडीलाई ग्रामर पब्लिक उमाविले २० हजार बराबरको छात्रावृत्ति प्रदान गर्ने क्लबका अध्यक्ष रिमाले बताए ।
