काठमाडौ ५ जेठ ।
कान्तिपुर रनर हाफ म्याराथन आठौं संस्करणको उपाधि पुरुषतर्फ हरि रिमाल र महिलातर्फ कान्छिमाया कोजूले जितेका छन् ।
पुरुष तर्फको उपाधि नेपाली सेनाका रिमालले जितेका हुन् भने महिला तर्फ सशस्त्र प्रहरीकी कोजूले उपाधि हात पारेकी हुन् । दुवैले ५०–५० हजार रुपैया र रनर काइट प्लस स्कुटर जितेका छन् ।
महिला तर्फ दोस्रो सन्तोसी श्रेष्ठ भइन् भने तेस्रो आर्मीकी बृन्दा श्रेष्ठ भइन् । यस्तै पुरुष तर्फ दोस्रो होमलाल श्रेष्ठ भए भने गजेन्द्र राई तेस्रो बने । ह्विलचियर तर्फ रामबहादुर तामाङ पहिलो र प्रेम विक दोस्रो भए ।
कान्तिपुर पब्लिकेशन्सको सेन्ट्रल बिजनेस पार्क, थापाथलीबाट सुरु भएको म्याराथन माइतीघर, नया बानेश्वर, सानोठिमी हुँदै भक्तपुरको सल्लाघारी चोक पुगेर पुनः यसै रुटमा फर्केर थापाथली आइपुगेको थियो ।
म्याराथनको कुल दुरी २१ दशमलब १ किलोमिटर रहेको थियो । म्याराथनको राजधानीको थापाथलीस्थित विजनेश पार्कमा बिहान प्रधानमन्त्री केपी शर्मा ओलीले उद्घाटन गर्नुभएको थियो ।
