काठमाण्डौ, २४ वैशाख ।
चितवनमा हावाहुरी र असिनाले करिब १५ विगाह क्षेत्रफलमा लगाइएको केरा खेतीमा अहिलेसम्मकै ठूलो क्षती पुगेको छ ।
विवरणहरु संकलन भइरहेकाले क्षतीको यकिन विवरण आउन भने बाकीँ छ ।
पुर्वी चितवनको पदमपुर, जुटपानी, पिठवा चैनपुर क्षेत्रमा १५ सय विघामा लगाइएको अधिकांश बोटहरु हावाहुरीले लडाएकाले ठूलो क्षती भएको हुनसक्ने चितवन केरा उत्पादक संघका अध्यक्ष विष्णुहरि पन्तले बताउनुभयो ।
पुर्वी चितवनको पदमपुर, जुटपानी, पिठवा चैनपुर क्षेत्रमा १५ सय विघामा केरा खेती रहेको भन्दै उहाँले आइतबार साँझ आएको हावाहुरीले धेरै नै बोटहरु लडाएको रनलडेका बोटको पात र फल असिनाले चुटेर पुरै नोक्सान भएको बताउनु भयो ।
किसानहरुले टिपाएको विवरण अनुसार १० करोड रुपैयाँ बढीको क्षती भएको हुनसक्ने पन्तले बताउनुभयो । त्यसैका आधारमा नोक्सान धेरै नै भएको सहजै अनुमान लगाउन सकिन्छ । आएका विवरण अनुसार पनि १० करोड रुपैयाँका हाराहारीमा क्षति भएको छ ।’ यसअघि गत साता मात्रै जुटपानीमा एक समुहले केराका ३१ सय बोट काटेर सखाप पारेका थिए ।
