काठमाडौ २९ चैत्त ।
सरकारले हाललाई अस्थायी शिक्षकको मुद्धालाई थाती राखी पहिलो चरणमा खुला प्रतिस्पर्धाबाटै शिक्षक नियुक्ति गर्ने तयारी गरेको छ ।
अस्थायी शिक्षकलाई आन्तरिक प्रतिस्पर्धाबाट स्थायी गराउन तोकिएको परीक्षा चार पटकसम्म स्थगित भएपछि शिक्षामन्त्रलयले हाललाई अस्थायी शिक्षकको मुद्धा थाती राख्ने निर्णय गरेको हो ।
शिक्षा ऐनको आठौ र नवौं संशोधनको प्रावधान अनुसार शिक्षक सेवा आयोगले आन्तरिक प्रतिस्पर्धाबाट नियुक्तिका लागि चौथो पटक गत चैत्र २३ गतेका लागि तोकिएको थियो ।
तर आन्तरिक प्रतिस्पर्धाको प्रावधान खारेज गर्नुपर्ने माग राख्दै विद्यार्थी संगठनहरुले विरोध जनाएपछि अन्तिम समयमा आएर परीक्षा स्थगित भएको थियो ।
त्यसअघि पनि अस्थायी शिक्षकको आन्तरिक व्यवस्थापनका लागि तीन पटकसम्म परीक्षाको मिति तोकिएकामा शिक्षक आन्दोलनका कारण स्थगित भएको थियो ।
हाल आन्तरिक प्रतिस्पर्धामा सहभागी हुनका लागि १६ हजार शिक्षक तयारी अवस्थामा छन् भने खुला प्रतिस्पर्धाबाट शिक्षण पेशामा आवद्ध हुन लाइसेन्स लिएर बसेका विद्यार्थी सात लाखको हाराहारीमा छन् ।
