हुने खानेकी छोरीलाई सेक्सी बनाएर लुट्ने तिमी !
दीन दुखीकी छोरीलाई बोक्सी बनाएर कुट्ने तिमी !
उठ्यौ उठ्न त उठ्दा उठ्दा आकास छोयौ होला तर !
मान्छेजस्तै मान्छे बनेर भन कहिले उठ्ने तिमी ?
जुट्यौ जुट्न त व्यभिचारमा अत्याचारमा जुट्यौ सँधै !
मान्छेमाथिको अत्याचार यो मास्न कहिले जुट्ने तिमी ?
मासु भुट्यौ भटमास भुट्यौ सोझाहरूका दिमाग भुट्यौ !
ठग चोरका व्यभिचारीका दिमाग कहिले भुट्ने तिमी ?
वर्षौं वाँधियौ भ्रमले झण्डै पसुवत सोच्ने भयौ सुन !
भ्रम भरोसा भङ्ग गरेर कुन दिनबाट छुट्ने तिमी ?
-बलराम तिमल्सिना
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
