काठमाडौं मंसिर २७।
प्रतिनिधिसभा तथा प्रदेशसभा निर्वाचनअन्तर्गत प्रतिनिधिसभाको समानुपातिकतर्फको मतगणना जारी छ ।
निर्वाचन आयोगका अनुसार अहिलेसम्म समानुपातिकतर्फको ५७ प्रतिशत मतगणना सकिएको छ । अहिलेसम्म सार्वजनिक गरिएको मतपरिणाम अनुसार नेकपा एमाले अगाडि देखिएको छ ।
समानुपातितर्फ नेकपा एमालेले २२ लाख २२ हजार ७८ मत प्राप्त गरी पहिलो स्थानमा रहेको छ । भने २१ लाख १७ हजार ५मतसहित कांग्रेस दोस्रो स्थानमा छ ।
नेकपा माओवादी केन्द्र ८ लाख ६४ हजार ४८६ मतसहित तेस्रो स्थानमा रहेको छ । यस्तै संघीय समाजवादी फोरम नेपालले २ लाख ८२ हजार ४२० मत प्राप्त गरेको छ भने राष्ट्रिय जनता पार्टी नेपालले २ लाख २५ हजार ६९१ मत पाएको छ ।
१ लाख ४१ हजार ५५४ मत राष्ट्रिय प्रजातन्त्र पार्टीको पक्षमा छ भने १ लाख ३६ हजार १५४ मत विवेकशील साझा पार्टीले पाएको छ ।
यस्तै नयाँ शक्ति पार्टी नोपालले ५८ हजार ८६९ मत पाएको छ भने राष्ट्रिय प्रजातन्त्र पार्टी (प्रजातान्त्रिक)ले ४७ हजार ९२ मत प्राप्त गरेको छ । राष्ट्रिय जनमोर्चाले ३५ हजार ६४५ मत पाएको छ भने अन्यले ६ लाख ५६ हजर १२८ मत पाएका छन ।
