२३ मंसिर,काठमाडौं । नेपाली काँग्रेसले काठमाडौंको निर्वाचन क्षेत्र नं ५ को पाँचओटा मतदान केन्द्रमा मतदान अधिकृतले फरकफरक हस्ताक्षर भेटिएको बताउँदै मत गणना बाहिस्कार गरेको छ ।
काँग्रेस उम्मेदवार डा. प्रकाशशरण महतले अाफूहरुको माग निर्वाचन अायोगले नसुनेको भन्दै मत गणना बहिष्कार गरेका छन् ।
‘मतदान अधिकृतको हस्ताक्षर फरक फरक पाइएकोले मतगणना रोक्न हामीले माग गर्यौ, निर्वाचन आयोग र विपक्षीले प्रशासन लगाए पेलेर गणना जारी राखेका छन्, त्यही भएर हामीले बहिष्कार गरेका हौं’ महतले भने । उनी मत गणना स्थलबाट बाहिरिएका छन् ।
अाफूहरुले शुक्रबारदेखि नै मत गणना स्थगित गर्न माग गरेपनि निर्वाचन अायोगले अटेर गरेको अारोप समेत लगाए ।
यता नेकपा एमाले र माओवादी केन्द्रले भने अाफू हार्ने पक्का भएपछि काँग्रेसले निहु खोजेको बताएका छन् ।
काठमाडौं ५ मा सुरुवातीदेखि नै नेकपा एमालेका महासचिव ईश्वर पोखरेल अग्रता लिइरहेका छन् ।
