२३ मंसिर,धनगढी । जारी मत गणनाको ताजा परिणामअनुसार कैलाली-५ मा प्रधामन्त्री शेरबहादुर देउवाकी पत्नी अारजु राणाले अग्रता दिएकी छन् । सुरुवातीदेखि अाग्रता लिएका नेकपा एमालेका नारदमुनी रानाई राणाले पछी पारेकी हुन् ।
पछिल्लो मत परिणाअनुसार अारजुले ८ हजार ९९० मत प्राप्त गरेकी छन् । त्यसैगरी एमालेका नारदमुनि रानाले ७ हजार ९७० मत प्राप्त गरेका छन् । मतान्तरको हिसाबमा यो ठूलो नभएपनि अब केही समय लगातार अारजुले अग्रता लिने काँग्रेस प्रतिनिधिहरुले अपेक्षा गरेका छन् ।
यसैबीच डडेल्धुराको ताजा परिणाम अाएको छ । नेपाली काँग्रेसका सभापति तथा प्रधामन्त्री शेरबहादुर देउवा दोब्बर मतले अगाडि छन् ।
सुरुवातीदेखि नै अग्रता लिएका देउवाले ताजा अवस्थामा ७९२३ मत प्राप्त गरेका छन् ।
माओवादी केन्द्र र एमालेका साझा उम्मेदवार खगराज भट्टले ४१२ मत ल्याएका छन् ।
यसैबीच सिरहा क्षेत्र नं. १ मा कांग्रेस नेता प्रदिप गिरिले पनि फराकिलो अन्तरले अग्रता लिएका छन् । उनले १० हजार ०७४ मत गणना हुँदा गिरिले चार हजार ३९७ मत ल्याएर अग्रता लिएका हुन् ।
एमालेका गंगाप्रसाद यादवले तीन हजार १५३ मत ल्याएका छन् भने सघीय समाजवादी फोरम नेपालका उम्मेदवारले एक हजार ८१४ मत ल्याएका छन् ।
