काठमाडौं, २१ मंसिर ।
प्रधानमन्त्री शेरबहादुर देउवाले निर्वाचन पछि अबको सरकार कांग्रेसले बनाउने र सम्पूर्ण समस्या समाधानको जिम्मा लिने बताउनु भएको छ ।
डडेलधुरास्थित गन्यापधुराको असिग्राम माविस्थित मतदान केन्द्रमा पुगेर मतदान गरिसकेपछि प्रधानमन्त्री देउवाले निर्वाचनमा नेपाली कांग्रेसले बहुमत ल्याउने दाबी गर्नुभयो ।
समृद्ध र लोकतान्त्रिक नेपाल निर्माणका लागि आफ्नो मताधिकार प्रयोग गरेको भन्दै प्रधानमन्त्री देउवाले मतदाताहरुलाई निर्धक्कसाथ आफ्नो मताधिकार प्रयोग गरी ऐतहासिक निर्वाचनलाई एउटा उत्सवमा परिणत गर्न आग्रह पनि गर्नुभएको छ ।
उहाँले प्रदेशका राजधानी पनि चाँडै तोकिने बताउनु भयो । प्रतिनिधिसभा सदस्यको उमेदवारसमेत रहनुभएका देउवाले सोहि मतदान केन्द्रबाट छैटौंपटक मतदान गर्नुभएको छ । मतदान लगत्तै उहाँ आजै बिहान काठमाण्डौ फर्किसक्नुभएको छ ।
