२१ मंसिर, काठमाडौं । नेपाली कांग्रेसका नेता प्रकाशमान सिंहले अरु उम्मेदवारहरु कमजोर रहेकाले आफ्नो जित सुनिश्चित भएको दाबी गरेका छन् ।
काठमाडौं क्षेत्रनम्बर १ का प्रतिनिधिसभा सदस्य उम्मेदवार सिंहले चुनावमा आफ्नो प्रतिस्पर्धी नै नभएको दावी गरे ।
‘मेरो प्रतिद्वन्द्वीभन्दा म धेरै अगाडि छु । मिडियाले प्रतिस्पर्धी भनिएका उम्मेदवार रियल ग्राउण्डमा कमजोर छन्,’ उनले भने, ‘पहिलो संंविधानसभामा भन्दा दोस्रोमा धेरै मत ल्याएको थिएँ । अहिले अझ धेरै मत ल्याउँछु ।’
नेता सिंहले आफूलाई भोट हाल्न भने पाएनन् । उनी काठमाडौं क्षेत्रनम्बर १ का उम्मेदवार हुन् तर, काठमाडौं क्षेत्रनम्बर ७ को पकनाजोलस्थित युवक जनता माविबाट मतदान गरेका छन् ।
काठमाडौं क्षेत्रनम्बर १ मा वाम गठबन्धनबाट माओवादीका अनिल शर्मा र साझा विवेकशिल पार्टीबाट रविन्द्र मिश्र प्रतिनिधिसभा सदस्य उम्मेदवार छन् ।
