गुल्मी, मंसिर ११ ।
गुल्मीको मुसिकोट नगरपालिका –१ नेटाथाममा नेपाली कांग्रेसका नेता चढेको गाडिलाई लक्षित गरी बम विष्फोट भएको छ ।
आज विहान पौदीअमराईबाट दलिङ्गमा हुने चुनावी कार्यक्रमका लागि जाँदै गरेका नेपाली कांग्रेसका गुल्मी जिल्ला सचिव खिलध्वज पन्थी र कांग्रेसका क्षेत्रीय सभापति भगत खडका चढेको गाडिलाई लक्षित गरी बम प्रहार भएको हो ।
बम विष्फोटबाट कुनै मानवीय तथा भौतिक क्षति भने नभएको बताइएको छ । अहिले घटनास्थलमा प्रहरी जाँदै गरेको जिल्ला प्रहरी कार्यालय गुल्मीका प्रहरी उपरीक्षक अनुरागकुमार द्धिबेदीले जानकारी दिनुभयो । घटनाको विस्तृत विवरण आउन बाँकी छ ।
यस्तै नेपाली कंगेसकै ललितपुर ३ निर्वाचन क्षेत्रको प्रचार कार्यालयमा बम भेटिएको छ । भैसेपार्टी स्थित प्रचारकार्यालयमा आज विहान भेटिएको बम डिस्पोज गर्न नेपाली सेनाको टोली घटनास्थल तर्फ गएको बताइएको छ ।
