काठमाडौँ, १० मंसिर । नेकपा (एमाले)का वरिष्ठ नेता माधवकुमार नेपालले अबको निर्वाचनपछि वाम गठबन्धनको वहुमतको स्थिर सरकार बने मुलुकको समृद्धि हुने बताउनुभएको छ ।
काठमाडौँ क्षेत्र नं २ बाट प्रतिनिधिसभका लागि उम्मेदवार बन्नुभएका नेपाले आज काठमाडौ महानगरपालिकाको वडा नं ३२ मा आयोजित घरदैलो अभियानमा वाम गठबन्धनको बहुमतको सरकार बन्ने र बहुमतको स्थिर सरकारले नै मुलुकमा परिवर्तन ल्याउने दाबी गर्नुभयो ।
काठमाडौँको विकास र निर्माणका लागि आफू प्रतिबद्ध रहेको चर्चा गर्द उहाँले भन्नुभयो, ‘‘काठमाडौँको विकास जुन गतिमा अघि बढ्नुपर्ने हो त्यो हुन सकेको छैन, अबको निर्वाचनपछि यहाँको विकासले तीव्रता पाउँछ ।”
विसं २०७० मा काठमाडौँ क्षेत्र नं २ बाट निर्वाचित हुनुभएका नेता नेपाल पुनः सोही क्षेत्रबाट यहि मंसिर २१ गते हुने दोस्रो चरणको निर्वाचनमा उम्मेदवार बन्नुभएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
