काठमाण्डौ , १८ कार्तिक ।चुनाब खारेजी अभियानमा रहेको नेपाल कम्युनिष्ट पार्टीले आफ्ना गतिबिधिहरुलाई तिब्र पारेको छ । चुनावको मिति नजिकिँदै जाँदा नेपाल कम्युनिस्ट पार्टीले आफ्ना गतिविधिलाई तीब्र पारेको हो ।
हाल देशव्यापी रुपमा सङ्गठन सुदृढीकरण तथा चुनाव खारेजी अभियान संञ्चालन भइरहेको छ ।
यसैक्रममा नेपाल कम्युनिस्ट पार्टी गोरखाले साङ्केतिक कार्वाही स्वरुप डा.बाबुराम भट्टराईको घरमा कालो झण्डा गाडिएको बताएको छ । शुक्रबार राती गोरखा पालुङ्टार नगरपालिकाको खोप्लाङ्स्थित भट्टराईको घरमा कालो झण्डा गाडिएको हो ।
नयाँशक्ति पार्टी नेपालका संयोजक बाबुराम भट्टराई काँग्रेस–नयाँशक्ति गठबन्धनका साझा उम्मेदवार हुन् । नेकपाले दलाल संसदीय व्यवस्थाका खराब प्रतिनिधिहरुलाई कुनै पनि हालतमा नछोडने बताएको छ ।
हाल देशव्यापी रुपमा संञ्चालन भइरहेको सङ्गठन सुदृढीकरण तथा चुनाव खारेजी अभियान गोरखामा पनि चलिरहेको नेकपा गोरखाका सेक्रेटरी गोपाल पाण्डेले बताएका छन् ।
