यसैगरी नेपाली कांग्रेसकातर्फबाट क्षेत्र नं. १ बाट प्रतिनिधि सभा सदस्यमा उदय शमशेर राणाले उम्मेदवारी दर्ता गराएका छन् भने प्रदेशसभा सदस्यका लागि ललितपुर क्षेत्र नं. १ को (क) मा ऋषिराम घिमिरे, क्षेत्र नं. १ को (ख) मा मीनकृष्ण महर्जनले उम्मेदवारी दर्ता गराएका छन् ।
क्षेत्र नम्बर १ मा रहेका प्रदेशसभाका २ पदका लागि २३ जनाको उम्मेदवारी परेको मुख्य निर्वाचन अधिकृत सुरेशराज खनालले जानकारी दिए । उनका अनुसार प्रदेशसभाको ‘क’ तर्फ ९ र ‘ख’ तर्फ १४ जनाले प्रदेशसभाका लागि उम्मेदवारी दिएका छन ।
त्यस्तै बाम गठबन्धनका तर्फ क्षेत्र नं. २ बाट प्रतिनिधि सभा सदस्यमा एमालेका कृष्णलाल महर्जनले उम्मेदवारी दर्ता गराएका छन् भने प्रदेशसभा सदस्यका लागि ललितपुर क्षेत्र नं. २ को (क) मा एमालेका माधव पौडेल, क्षेत्र नं. २ को (ख) मा ज्ञानेन्द्र शाक्यले उम्मेदवारी दर्ता गराएका छन् ।
त्यसैगरी नेपाली कांग्रेसकातर्फ क्षेत्र नं. २ बाट प्रतिनिधि सभा सदस्यमा चन्द्र महर्जनले उम्मेदवारी दर्ता गराएका छन् भने प्रदेशसभा सदस्यका लागि क्षेत्र नं. २ को (क) मा पवन बिक्रम थापा, क्षेत्र नं.२को (ख) मा प्रेमकृष्ण महर्जनले उम्मेदवारी दर्ता गराएका छन् ।
उक्त क्षेत्रमा प्रतिनिधिसभा तर्फ १३ जनाको उम्मेदवारी परेको छ। यस्तै प्रदेशसभाको ‘क’ मा १० र ‘ख’ मा १३ जनाको उम्मेदवारी परेको छ ।
त्यसैगरी बाम गठबन्धनका तर्फ क्षेत्र नं. ३ बाट प्रतिनिधि सभा सदस्यमा माओवादी केन्द्रकी प्रवक्ता पम्फा भुषालले उम्मेदवारी दर्ता गराएकी छिन् भने प्रदेशसभा सदस्यका लागि ललितपुर क्षेत्र नं. ३ को (क) मा माओवादी केन्द्रका राजकाजी महर्जन, क्षेत्र नं. ३ को (ख) मा एमालेका जीवन खड्काले उम्मेदवारी दर्ता गराएका छन् ।
त्यस्तै नेपाली कांग्रेसकातर्फ क्षेत्र नं. ३ बाट प्रतिनिधि सभा सदस्यमा मदनबहादुर अमात्यले उम्मेदवारी दर्ता गराएका छन् भने प्रदेशसभा सदस्यका लागि क्षेत्र नं. ३ को (क) मा नवराज महत, क्षेत्र नं. ३ को (ख) मा शिवराम बाँनियाँले उम्मेदवारी दर्ता गराएका छन् ।
ललितपुर क्षेत्र नम्बर ३ मा प्रतिनिधिसभा तर्फ १३ र प्रदेशसभाको ‘क’ मा १२ र ‘ख’ मा १३ जनाले उम्मेदवारी दिएको मुख्य निर्वाचन अधिकृत बालमुकुन्द दवाडीले जानकारी दिए ।
