१६ कात्तिक,चितवन । नेकपा एमाले र माओवादी केन्द्रबीचको सम्बन्ध अझै सुधार हुन सकेको छैन । एमाले अध्यक्ष केपी शर्मा ओलीले देवी ज्ञवालीलाई प्रचण्डसँग भेट गराएपनि अझै धेरै एमालेका युवाहरु माओवादी केन्द्रसँग चिडिएकै छन् ।
माओवादी केन्द्रका अध्यक्ष प्रचण्डले चुनाव लड्ने क्षेत्र नम्बर ३ बाटै एमालेका युवा नेता राम न्यौपानले बागीको घोषणा गरेका छन् । एमालेको बलियो जनाधार हुँदाहुँदै पनि माकेलाई दिएको भन्दै उनले स्वातन्त्रबाट उम्मेदवारी दिने बताएका छन् ।
एमाले–माकेका साझा उम्मेदवार बनेका प्रचण्डलाई हराउने भन्दै न्यौपानले उम्मेदवारी घोषणा गरेको चर्चा सुरु भएको छ । तर, न्यौपानेले प्रदेशमा बागी उम्मेदवारी घोषणा गरेका हुन् ।
सो क्षेत्रका चर्चित युवा नेता न्यौपानेले प्रदेशतर्फ क्षेत्र ३ (ख)मा बागी उम्मेदवारी दर्ता गर्ने बताएका छन् । उनले सो क्षेत्रबाट एमालेलाई निषेध गरिए प्रचण्डलाई हराउने चेतावनी समेत दिएका छन् ।
प्रचण्डलाई जिताउनकै लागि एमाले-माके गठबन्धले सो क्षेत्रका प्रदेशका दुबै क्षेत्र पनि माओवादी केन्द्रलाई दिएको छ । तर एमाले नेताहरुले एउटा प्रदेश आफूहरुले नपाए प्रचण्डलाई सहयोग नगर्ने बताउँदै आएका छन् । एमालेले भित्रभित्रै प्रचण्डलाई हराउने षड्यन्त्र हुन सक्ने अाशंका माओवादी केन्द्रका नेताहरुले गरेको छन् ।न्यौपानको बागी उम्मेदवारी पनि सोहि असन्तुष्टिका कारण योजनाबद्ध रुपमा आएको चर्चा सुरु भएको छ ।
