काठमाडौ १३ कार्तिक ।
सिट बाँडफाटमा कुरा नमिलेपछि राष्ट्रिय प्रजातन्त्र पार्टी नेपाली कांग्रेस नेतृत्वको लोकतान्त्रिक गठबन्धनबाट बाहिरिएको छ ।
एक नम्बर प्रदेश अन्तरगत झापा क्षेत्र नं. ३ मा राप्रपालाई समर्थन गर्ने सहमति विपरित कांग्रेसले आफ्नै उमेदवार उठाएपछि गठबन्धनमा बस्नुको औचित्य नरहेको राप्रपाका महामन्त्री राजेन्द्र लिङ्देनले बताउनु भयो ।
राप्रपाले लोकतान्त्रिक गठबन्धनबाट बाहिरिएको औपचारिक घोषणा केहीदिन भित्रै गर्ने महामन्त्री लिङ्देनले बताउनु भयो । एउटै क्षेत्रमा दुई पार्टीले उमेदवार घोषणा गरेपछि गठबन्धन टुटेको हो ।
यसअघि कांग्रेसले झापा ३ मा राप्रपाका महामन्त्री लिङ्देनलाई समर्थन गर्दै सिटौलालाई समानुपातिकमा राखेको थियो । तर, सिटौलाले समानुपातिकमा नबस्ने अडान लिएपछि उनलाई फेरि प्रत्यक्षतर्फ नै राख्ने निर्णय भएको हो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
