काठमाण्डौ , १२ कार्तिक ।
कानुनबिद्हरुले स्वविवेकीय अधिकार प्रयोग गरि सर्वोच्च अदालतमा जवाफ पठाउन निर्वाचन आयोगलाई सुझाव दिएका छन् ।
कान्तिपथस्थित आयोग केन्द्रिय कार्यलयमा आज भएको छलफलमा महान्यायाधिवक्ताको कार्यालयले सर्वोच्चको पछिल्लो आदेश पश्चात मतपत्रका विषयमा स्वविवेकीय अधिकार प्रयोग गर्न सुझाएको हो ।
आयोगका पदाधिकारीसंग भएको छलफलमा नायब महान्यायाधिवक्ता किरण पौडेलले सर्वोच्च अदालतले कारण देखाउ आदेश दिएका सन्र्दभमा आयोगको निर्णयका आधारमा नै लिखित जवाफ दिन सुझाव दिनुभयो ।
आयोगले दुईवटा मतपत्र छपाई नगरेर अदालतको अवहेलना गरेको भन्दै दायर मुद्दामा सर्वोच्चले कारण देखाउ आदेश सहित मतपत्रमा भएको प्रगति तीन दिन भित्र पेश गर्न भनेको थियो । अदालतले पठाएको पत्रका विषयमा आयोगले नायब महान्यायाधिवक्ता पौडेलसंग जिज्ञासा राखेको हो ।
नायब महान्यायाधिवक्ता पौडेलले आयोगले आफुसंग अनौपचारिक छलफल मात्र गरेकाले आफ्नै निर्णय अनुसार अगाडी बढ्न सुझाव दिएको उल्लेख गर्नुभयो । सर्वोच्चले गत बुधबार प्रत्यक्ष तर्फ दुबै सभाको मतपत्र अलग अलग छाप्ने बारे भएको काम तथा सुनिश्चितताको प्रगति विवरण माग गरेको थियो ।
