आफ्ना ‘गोजी’का व्यक्ति, पैसा बुझाउने अनि सामाजिक क्षेत्रमा बदनाम भएकाहरूलाई समानुपातिक र प्रत्यक्ष दुवैतर्फको टिकट वितरण गरेको उनीहरूको आरोप छ। उनीहरूले स्वेच्छाचारी ढंगले पार्टी नेतृत्वले वितरण गरेको टिकटको निर्णय सच्याउनुपर्ने माग गरेका छन्।

अध्यक्षमण्डलले ‘गुन्डा नाइके’ राजु गोर्खालीसहित पैसावाल र बदनाम व्यक्तिहरूको नाम समानुपातिक उम्मेदवारको बन्दसूचीमा राखेको असन्तुष्ट पक्षको गुनासो छ।महासचिव झाले मधेस आन्दोलनको मर्म र भावनाविपरीत समानुपातिक उम्मेदवारको सूचीमा पैसाको चलखेलका आधारमा अधिकांश नाम चयन गरेको आरोप लगाए।

समानुपातिकतर्फ बन्दसूचीमा पार्टीको योगदानमा आधारित नेता तथा कार्यकर्ता हुनुपर्ने, पैसावालको नाम तत्काल बन्दसूचीबाट हटाउनुपर्ने, उम्मेदवार छनोट केन्द्रीय निर्वाचन समितिमार्फत हुनुपर्ने, पार्टीका सबै निर्णय केन्द्रीय संयोजन समितिमार्फत आउनुपर्नेलगायत माग उनीहरूले गरेका छन्।-अन्नपूर्णबाट