काठमाडौ ,३१ असोज ।
आसन्न प्रदेश तथा प्रतिनिधि सभा सदस्य निर्वाचनको रणनितिका साथै पार्टीको घोषणापत्र निर्माणबारे छलफल गर्न नेकपा एमाले स्थानयी कमिटीको बैठक आज बस्दैछ ।
राजधानीको गोकर्णस्थित एक रिसोर्टमा अपरान्न ३ बजेपछि सुरु हुने बैठकले आसन्न निर्वाचनका लागि समानुपातिक र प्रत्यक्ष तर्फका उमेदवार टुङ्गो लगाउने जनाइएको छ ।
यस्तै आगामी मंसिर १० र २१ मा हुने प्रदेश तथा प्रतिनिधि सभा निर्वाचन र विभिन्न दलहरुसँग गर्ने भनिएको तालमेलका विषयमा पनि बैठकमा छलफल हुने पार्टी सचिव योगेश भट्टाराईले जानकारी दिनुभयो ।
स्थायी कमिटी बैठकबाटै चुनावी रणनिति समेत तय गर्नुपर्ने भएकाले बैठक केही दिन चल्ने एमालेले जनाएको छ । निर्वाचन आयोगमा समानुपातिक तर्फको प्रारम्भिक नामवली बुझाएको सो पार्टीले आजको बैठकबाट समानुातिक र प्रत्यक्ष तर्फको अन्तिम सुची तयार पार्ने जनाएको छ ।
