काठमाडौं , २९ भदौ ।
नेपाल विद्युत प्राधिकरणले अबको १० वर्ष्भित्र मुलुकमा १२ हजार मेगावाटसम्मको विद्युत खपत गर्न सक्ने गरी वितरण प्रणाली विस्तार गर्ने तयारी गरेको छ ।
राजधानीमा आज आयोजित पत्रकार सम्मेलनमा प्राधिकरणका कार्यकारी निर्देशक कुलमान घिसिङले अधिकतम रुपमा देशभित्रै विजुली खपतका लागी प्रमुख शहरी तथा औद्योगिक क्षेत्रहरुमा १२ हजार मेगावाट विजुली वितरण गर्न सकिने सञ्जाल र संरचना बनाउने जानकारी दिनुभयो ।
देशलाई उर्जामा आत्मनिर्भर बनाई जनताको समेत लगानीमा जलविद्युत आयोजनाहरुको दु्रत गतिमा विकास गर्ने जानकारी दिदै उहाँले जलाशययुक्त र पिकिङ आयोजना निर्माणमा विशेष पहल गर्ने बताउनुभयो ।
कार्यकारी निर्देशक घिसिङले विभिन्न सम्भावना रहेको पम्प स्टोरेज प्लान्टलाई पनि प्राधिकरणले अघि बढाउने तयारी स्वरुप स्मार्ट ग्रीड र स्मार्ट मिटर प्रणाली लागु गर्न प्राधिकरण लागेको बताउनुभयो ।
आफ्नो १ बर्षे कार्यकालको समिक्षा गर्दै घिसिङले सो अवधीमा अलपत्र अवस्थामा रहेका निर्माणाधिन आयोजनाको कामलाई तीव्रता दिएको, भूकम्पपछि बन्द भएको १ सय ११ मेगावाटको रसुवागढी, १ सय २ मेगावाटको मध्यभोटेकोसी लगायतका कामलाई पुनस् सञ्चालनमा ल्याएको उल्लेख गर्नुभयो ।
आफु नियुक्त हुनुअघि वर्षातमा दैनिक १२ घण्टा लोडसेडिङ हुने गरेकोमा अहिले औद्योगिक क्षेत्रमा बेलुकाको समय २ देखि ३ घण्टा बाहेक देशैभर लोडसेडिङ अन्त्य भएको उहाँको दाबी थियो ।
घिसिङले आगामी ३ वर्ष्भित्रमा मुलक स्वदेशी उर्जामै आत्मनिर्भर बन्ने विश्वास समेत व्यक्त गर्नुभयो ।
