काठमाडौ ,२३ भदौ ।
आज अन्तर्राष्ट्रिय साक्षरता दिवस, नेपालमा शिक्षाका क्षेत्रमा सक्रिया सरकारी तथा निजी संघ संस्थाहरुले विविध कार्यक्रमको आयोजना गरी मनाउदैछन् । नेपालमा यो वर्ष संघिय नेपाल, समृद्धिको आधार ः स्तरीय शिक्षा सबैको अधिकार भन्ने नारा तय गरिएको छ ।
दिवसका अवसरमा शिक्षा मन्त्रालयले आज विषेश कार्यक्रमको अयोजना गरेको गियो । राष्ट्रपति भवन सितल निवासमा आज विहान भएको कार्यक्रममा राष्ट्रपति विद्यादेवी भण्डारीले क श्रेणीका २ सय १५ जना, ख श्रेणीका ८२ जना ग श्रेणीका २८ जनालाई विद्याभूषण पुरस्कार प्रदान गर्नु भएको छ ।
यस्तै स्नातक तह अन्तरगत छात्रा २४ जना र प्रमाणपत्र तह अन्तरगत ३ जनालाई विद्यापदक प्रदान गरिएको मन्त्रालयले जनाएको छ ।
यसैबीच दिवसका अवसरमा मन्त्रालयद्धारा उत्कृष्ट घोषित शैक्षिक संस्थालाई दिइने राष्ट्रिय एवम् प्रदेश पुरस्कार वितरण कार्यक्रम भने स्थगित गरिएको मन्त्रालयका सुचना अधिकृत सरस्वति पोखरेलले जानकारी दिनुभयो ।
पुरस्कार छनोटबारेको रिट निवेदनमा पुनरावेदन उच्च अदालत पाटनले गत बुधबार कार्यक्रम तत्काल नगर्न अन्तरिम आदेश दिएपछि अर्को सुचना नआएसम्मका लागि स्थगित गएिको पोखरेलले बताउनु भयो ।
