काठमाडौ ,१५ भदौ ।
‘समृद्ध नेपालको आधार : पुस्तकालयको विकास’ भन्ने नाराका साथ आज १० औँ पुस्तकालय दिवस मनाइँदैछ ।
पठन संस्कृति बढाउनका साथै हरेक स्थानीय तहमा पुस्तकालयको स्थापना गराउन प्रवद्र्धन गर्दै सामुदायिक र निजी क्षेत्रका पुस्तकालयले विभिन्न कार्यक्रम गरी दिवस मनाउन लागेका हुन् ।
दिवसका अवसरमा उपप्रधानमन्त्री एवं शिक्षामन्त्री गोपालमान श्रेष्ठको संयोजकत्वमा गठित दिवस मूल समारोह समितिले राजधानीमा आज विषेश कार्यक्रमको आयोजना गरेको छ ।
यसअघि बिहान राजधानीको भृकुटीमण्डपस्थित काठमाडौं उपत्यका सार्वजनिक पुस्तकालयबाट रसियन कल्चर सेन्टरसम्म प्रभातफेरी निकालिएको थियो ।
पण्डित केदारनाथ झालाई विसं १८६९ मा तत्कालीन राजा गीर्वाणयुद्ध विक्रम शाहले दरबार र अन्य क्षेत्रमा रहेका पुस्तकको संरक्षण गर्न जिम्मेवारी दिएको दिनको सम्झनामा विसं २०६५ भदौ १५ देखि यो दिवस मनाउन थालिएको हो ।
