काठमाडौं भाद्र १२,।
नेपाल स्टक एक्सचेञ्च नेप्सेले नेप्सेमा सूचीकृत भएका कम्पनीहरुलाई चालु आर्थिक वर्षको नविकरण शुल्क असोज मसान्तभित्र बुझाउन निर्देशन दिएको छ ।
आज सूचना जारी गर्दै स्टक एक्सचेञ्चले समयमै नविकरण शुल्क बुझाउन सुचीकृत कम्पनीलाई निर्देशन दिएको हो ।
नेप्सेले असोज मसान्तसम्म नविकरण नगराउने कम्पनीको शेयर कारोबार स्थगन गर्नेे चेतावनी समेत दिएको छ ।
धितोपत्र कारोबार नियमावली अनुसार एक करोड रुपैयाँसम्म चुक्तापुँजी भएका कम्पनीले १५ हजार, एक करोडदेखि ५ करोडसम्म पुँजी भएका कम्पनीले २५ हजार, ५ करोड देखि १० करोडसम्म भएकाले ३५ हजार र १० करोड माथि पुँजी भएकाले ५० हजार रुपैयाँ सूचीकरण नविकरण शुल्क बुझाउनुपर्ने व्यवस्था रहेको छ ।
सूचीकृत कम्पनीहरुले चालु आर्थिक वर्षको बार्षिक सूचीकरण नविकरण शुल्क असोज मसान्तसम्ममा बुझाईसक्नु पर्ने व्यवस्था रहेको छ ।
