मकवानपुर । नेपाली समाजमा ज्युदाे मान्छेकाे श्राद्व गरिदैन । श्राद्ध सम्झने वित्तिकै वितेका आफन्तलाई स्मरण गर्दै गरिने एउटा पवित्र कार्यको रुपमा बुझिन्छ । कसैले आफ्नै श्राद्ध गर्यो भन्ने सुन्दा विश्वास गर्ने कुरा पनि होइन । तर भयो त्यस्तै ।
गएको मंगलबार हेटौँडा-२ मा पहिलो चरणको स्थानीय चुनावमा मेयर पदमा उम्मेदवारी दिएर पराजित ४७ वर्षका राकेशकुमार शर्माले आफ्नै श्राद्ध गरे ,त्कायाे पनि सबै बिधि पुर्याएरै । यसअघि नेपालका नाम चलेका नेता र ६०१ सभासदको श्राद्ध गरिसकेका गएको दुई वर्षदेखि हेटौँडामा बस्दैअाएका बर्दिया गुलरिया नगरपालिका–६ का बासिन्दा राकेशकुमार शर्माले आफ्नै श्राद्ध पनि गर्न भ्याए ।
उहाँको श्राद्ध पण्डित डिकनाथ पौडेलले गरेका थिए । यसअघि २०७२ को संविधान मरिसकेको भन्दै श्राद्ध गरेका शर्मा यही संविधान अनुसार २०७४ वैशाख ३१ गतेको स्थानीय तह निर्वाचनमा हेटौँडाको मेयर पदमा उम्मेदवारी दिएका थिए । तर उनलाइ जनताले रूचाएनन्र । निर्वाचनमा उनले दुई अंकको मत समेत ल्याउन सकेनन् ।
संविधान मरेको घोषणा गर्ने आफूले नै निर्वाचनमा उम्मेदवारी दिएकोमा आत्म आलोचन गर्दै आफ्नो श्राद्ध गरेको उनकाे भनाइ छ । उनलेआफू जिवितै रहँदा श्राद्ध गर्ने प्रचलन रहेको समेत बताए । आफूलाई हिन्दु राष्ट्र र राजसंस्थाको पक्षपाति बताउँदै शर्मा विभिन्न समयमा यस्तै खाले गतिविधि गरेर नै चर्चामा अाउने गरेका छन्र । उनले कही समय अघि एक सहकारी र विद्यालय विरुद्ध पनि यस्तै प्रचार गरेका थिए ।
