काठमाडौ ,१ असार ।
प्रधानमन्त्री शेरबहादुर देउवाले आज निर्वाचन आयोगका पदाधिकारीसँग छलफल गरिरहनु भएको छ । आगामी असार १४ का लागि तोकिएको दोस्रो चरणको स्थानीय निर्वाचनबारे अन्योल बढिरहेका बेला प्रधानमन्त्री देउवाले आयोगसँग छलफल गर्न लाग्नु भएको हो ।
सिंहरदरबारस्थित प्रधानमन्त्रीको कार्यलयमा जारी बैठकमा असन्ुतष्ट दललाई निर्वाचनमा सहभागी गराउने पहलस्वरुप भएका छलफलमा उठेका विषयहरुका बारेमा आयोगका पदाधिकारीसँग छलफल हुने बताइएको छ ।
आन्दोलमा रहेको राजपा निर्वाचनमा आउने अवस्थामा केही स्थानमा तेस्रो चरणमा निर्वाचन गर्न सकिने नसकिने भन्ने बारे समेत प्रधानमन्त्री देउवाले आज परामर्श गर्नुहुने उहाँ निकट स्रोतले बताएको छ ।
यस्तै उमेदवारी मनोनयको समय केही दिन पछि सार्ने विषयमा समेत आजको बैठकमा छलफल हुने जनाएको छ । छलफलका लागि प्रमुख निर्वाचन आयुक्तासहित चार आयुक्त र आयोग सचिव गोपिनाथ मैनालीलाई बोलाइएको छ ।
