रौतहट , २६ जेठ ।
नेपाल कम्युनिष्ट पार्टी रौतहटले उतरी क्षेत्र चन्द्रनिगाहपुर तथा चुरे फेदीका बस्तीहरुमा निर्वाचन खारेजी अभियानलाई तिब्र पारेका छन् ।
सो क्षेत्रका स्थानिय जनतासँग छलफल , अन्तरक्रिया तथा जनपरिषद् गठन लगायतका कामलाई तिब्रता दिएको जिल्ला ईन्चार्ज क्षितिजले जानकारी दिए ।
उनले सो क्षेत्रमा भ्रष्टचार तथा घुसखोरीहरु बिरुद्धको कार्वाहि पनि तिब्र पार्दै लगिने जनाएका छन् ।
यता दोस्रोे चरणको स्थानीय चुनावको मुखमा नेकपाको चुनाव बिरोधि गतिबिधि बढ्नुका साथै ठूलो मात्रामा विष्फोटक पदार्थ बरामद भएपछि रौतहट प्रहरीले सुरक्षा चुनौती थपिएको बताएको छ ।
‘स्थानीय चुनावलाई नै लक्षित गरेर विष्फोटक सामग्रीहरु ल्याएको हुनसक्ने आ्रशका गर्दै सुरक्षा ब्यावस्था पनि बढाईएको रौतहटका प्रहरी प्रमुख एसपी यज्ञ विनोद पोखरेलले बताए ।
निकट भविष्यमा हुने निर्वाचनमा राजनीतिक रुपमै अवरोध हुने संकेत पनि हो । त्यसैले प्रहरीले सजगता अपनाउनु पर्ने आवश्यकता देखियो ।” उनले भने
जनतामा डरत्राश र भय उत्पन्न गराउन यस्ता विष्फोटक सामग्रीको प्रयोग गर्ने र निर्वाचनमा कम भन्दा कम व्यक्ति मात्रै सहभागी होस भन्ने उदेश्य उनीहरुको हुनसक्ने प्रहरीको अनुसन्धानले देखाएको छ ।
केही दिन यताको परिस्थितिले सुरक्षा अवस्थालाई थप बलियो बनाउन र प्रहरी परिचालनलाई बाक्लो बनाउनु पर्ने आवश्यकता रहेको उनको भनाइ छ ।
