जेष्ठ २६ काठमाण्डौं । जुनसुकै गठबन्धनमा सामेल भएर भए पनि मन्त्री बन्दै आएको राप्रपा नेपालका अध्यक्ष कमल थापा यस पटक देउवा सरकारलाई पनि अन्तिम समयमा समर्थन गर्न पुगेका थिए ।
देउवासगँ भएको अनौपचारीक सहमति अनुसार मन्त्रीमण्डलमा तत्कालै समावेश गरिनु पर्ने तर्क राख्दै राप्रपाले असन्तुष्टी जनाएको छ ।
अहिले ८ सदस्यीय मन्त्रीमण्डलले मात्रै शपथ खाएको छ भने बाकीँ मन्त्रीहरु चुनाव पछि मात्रै थप्ने प्रधानमन्त्री देउवाको अभिव्यक्ति पछि राप्रपा संकटमा परेको छ ।
यसै विषयमा सुझाव दिन राप्रपाले तीन सदस्यीय समिति समेत बनाएको छ । महामन्त्री जयन्त चन्दको नेतृत्वमा कुन्ती कुमारी शाही र दिलनाथ गिरी सदस्य रहेको समिति बनेको छ ।
काग्रेसले प्रतिवद्धता उलंघन गरेको बताएको राप्रपाले सत्तालाई दिएको समर्थन फिर्ता लिन्छ त ? या समर्थन कायम राख्छ त्यो निर्णय केही दिनमा हुने राप्रपाका नेताहरुले बताएका छन ।
